डिसहोमले निम्न आर्थिक अवस्था भएका बालबालिकाको प्रतिभालाई उजागर गर्ने उद्देश्यले सुनौलो तारा नामक रियालिटी सो प्रसारण थालेको छ । नेपालभरका विभिन्न सरकारी विद्यालय तथा बाल संस्थाका ४ सयभन्दा बढीको अडिसनबाट छानिएका ४० जनाले कार्यक्रममा प्रतिभा प्रस्तुत गर्ने बताइएको छ ।
कार्यक्रम डिसहोमको च्यानल नं. १०२ रियालिटी टिभीमा हरेक हप्ता शुक्रबार र शनिबार राति ८:३० बजे प्रसारण हुने बताइएको छ । सुशीला आर्टस् एकेडेमीको परिकल्पनामा तयार गरिएको कार्यक्रमलाई सिल्भर माउन्टेन स्कुल अफ होटेल म्यानेजमेन्टले सहप्रायोजन गरेको छ । कार्यक्रममा प्रथम, द्वितीय र तृतीय हुने सहभागीले क्रमशः ५ लाख, ३ लाख र १ लाख रुपैयाँ पुरस्कार पाउने डिसहोमले जनाएको छ ।