युनिभर्सल मेडिकल कलेज भैरहवामा उपचाररत एक बिरामीको मृत्यु भएपछि उनका आफन्तले डाक्टरमाथि आक्रमण गरेका छन् । नवलपरासी बर्दघाटकी ५० वर्षीया यमकुमारी बुढामगरको सोमबार बिहान ८ : १० बजे मृत्यु भएपछि अस्पतालको लापरबाहीले मृत्यु भएको भन्दै आफन्तले डाक्टरमाथि कुटपिट गरेका हुन् ।
टाउकोमा रगत जमेका कारण आइसियू कक्षमा राखेर बुढामगरको उपचार भइरहेको थियो । आइसियूमै उनको निधन भएपछि सोही कक्षमा रहेका डाक्टरमाथि आफन्तले कुटपिट गरेका हुन् । कुटपिटबाट घाइते डाक्टरको अहिले आकस्मिक कक्षमा उपचार भइरहेको छ ।
त्यस्तै आक्रोशित समूहले बाहिर निस्किएका अन्य १५ जना डाक्टरमाथि पनि कुटपिट गरेका छन् । अहिले अस्पताल क्षेत्र तनावग्रस्त छ ।