भिडियो कन्फरेन्समा मोदीको आह्वान – कोरोनाविरुद्ध एकसाथ लडौं
भारतीय प्रधानमन्त्री नरेन्द्र मोदीले कोरोना भाइरस संक्रमण नियन्त्रणका लागि सबै राष्ट्रहरु एकसाथ लाग्नुपर्ने अवस्था आएको बताएका छन् ।
आइतबार साँझ दक्षिण एसिया क्षेत्रीय सहयोग सङ्गठन (सार्क) राष्ट्र र सरकार प्रमुखहरुसँग भिडियो कन्फरेन्समा बोल्दै मोदीले कोरोना भाइरसको संक्रमणसँग डराउने भन्दा पनि एकसाथ लड्न अबको आवश्यकता रहेकाे बताए ।
‘कोरोना भाइरसको संक्रमणसँग डराउनु जरुरी छैन’ मोदीले भने ‘हामी सबैले यसको नियन्त्रणका लागि थप सावधानी अपनाउनु पर्छ ।’
सार्क राष्ट्रमा करिब १ सय ५० जति मात्रै संक्रमित भएको उल्लेख गर्दै यस विरुद्ध भारतमा सचेतना अभियान चलाएको पनि उनले बताए । उनले भने ‘करिब १ हजार ४ सय भारतीयलाई विदेशबाट उद्धार गरेर ल्याइएको छ ।
छिमेकी देशका केही नागरिकको उद्धारमा पनि सहयोग गरिएको छ’ उनले भने ।