काव्यारोहणमा दार्जिलङका सुब्बा
काठमाडौंको गुरुकुल बन्द भए पनि काठमाडौंको शाखाको रुपमा रहेको विराटनगरस्थित आरोहण गुरुकुलले भने आफ्नो साहित्यिक कर्म जारी राखेको छ ।
आरोहण गुरुकुलमा यसपटक दार्जिलिङका कवि मनप्रसाद सुब्बाका कविता सुन्न पाइने भएको छ । रंगमञ्चसँगै पछिल्लो समय आरोहणले काव्यारोहण अर्थात् कविता वाचन पनि गरिरहेको छ ।
आरोहण गुरुकुलले गत मंसिरदेखि काव्यारोहण कार्यक्रम गर्दै आएको छ । काव्यारोहणका यसअघिका शृंखलामा बैरागी काइँला, तुलसी दिवस, वम देवान र मोमिलले कविता वाचन गरिसकेका छन् ।
मोफसलमा रहेर साहित्यिक कर्ममा तल्लीन गुरुकुलले गत वर्ष फागुनमा अन्तर्राष्ट्रिय नाटक महोत्वस पनि गरेको थियो । गुरुकुलले राजधानीको मण्डला थिएटरमा ‘महाभोज’ नाटक पनि मञ्चन गरेको थियो ।