समाचार
सिन्धुलीमा कार्यरत प्रहरीद्वारा आफैंलाई गोली हानी आत्महत्या प्रयास
Read Time : < 1 मिनेट
२०७६ फाल्गुण २ शुक्रबार ०८:५७:००
जिल्ला प्रहरी कार्यालय सिन्धुलीमा कार्यरत प्रहरी जवान चन्द्रकिशोर रायले आफूले आफैलाई गोली हानी आत्महत्या प्रयास गरेका छन् । सर्लाही स्थायी घर भएका प्रहरी जवान रायले शुक्रबार बिहान करिब ८ बजे डिउटीमै खटिएका बेला आफैंलाई गोली हानेकाे प्रहरीले जनाएकाे छ।
पेटमा गोली लागेर अचेत बनेका उनलाई उपचारका लागि काठमाडौं लगिएको छ । आफैंलाई गोली हानी आत्महत्या प्रयास गरेकाेबारे घाइते रायको होस खुलेपछि अनुसन्धान हुने प्रहरीले जनाएको छ ।