महोत्तरीको सव डिभिजन वन कार्यालयका अधिकृत राम अशिष घुससहित पक्राउ परेका छन् । अख्तियार दुरुपयोग अनुसन्धान आयोगको कार्यालय बर्दिबासले जिल्ला सरकारी वकिलको कार्यालय हाताभित्रबाट उनलाई बिहीबार दिउँसाे १५ हजार रुपैयाँ घुस लिँदै गर्दा पक्राउ गरेको हो । 

उनले मुद्दा मिलाई दिन्छु भन्दै सेवाग्राहीसँग घुस लिएका थिए । उनलाई बर्दिबासस्थित अख्तियारको कार्यालय लैजाने तयारी भइरहेको अख्तियारले जनाएको छ ।