समाचार
अनैतिक कार्यमा संलग्न चार जोडी पक्राउ
Read Time : < 1 मिनेट
२०७६ माघ १३ सोमबार १८:४६:००
प्रहरीले अनैतिक कार्यमा संलग्न भएकाे अाराेपमा चार जोडीलाई नियन्त्रणमा लिएको छ । व्यास नगरपालिका–१२ जलविरेस्थित एक हाेटलबाट आइतबार राति प्रहरीले चार जोडीसहित होटेल सञ्चालकलाई नियन्त्रणमा लिएको जिल्ला प्रहरी कार्यालय तनहुँका प्रहरी नायब उपरीक्षक लिलाराज लामिछानेले जानकारी दिए ।
होटेलमा अनैतिक कार्य भइरहेको गुनासो बढेपछि प्रहरीले छापा मार्दा उनीहरु नियन्त्रणमा परेका हुन् । सोमबार जिल्ला प्रशासन कार्यालय तनहुँमा उनीहरुविरुद्ध अभद्र व्यवहारअन्तर्गत मुद्दा दर्ता गरी अनुसन्धान भइरहेको प्रहरीले जनाएको छ । पछिल्लो समय प्रहरीले राजमार्गमा हुने जाँचलाई कडाइ गरेको छ भने लागु औषध कारोबारीमा संलग्नलाई पक्राउ गरेको छ ।