नेत्र विक्रम चन्द विप्लव नेतृत्वको नेकपा माओवादीका पूर्व केन्द्रीय सदस्य गुणराज लोहनी चितवनबाट पुन: पक्राउ परेका छन् । लोहनी यस अघि पक्राउ परेर छुटेका थिए । उनी दिर्घरोगी रहेको भन्दै सामान्य तारेखमा छुटेका थिए । नेपाल प्रहरीको विशेष व्युरोले लोहनीलाई चितवनको आदर्शनगरबाट सोमबार साँझ पक्राउ गरेकाे हो ।
ब्युरोले लोहनीलाई जिल्ला प्रहरी कार्यालय चितवनमा बुझाएको छ । पुन: चन्दा उठाउन थालेको सुचना पाएपछि नेपाल प्रहरीका महानिरीक्षक सर्वेन्द्र खनालले लोहनीलाई तत्काल पक्राउ गर्न ब्युरोलाई निर्देशन दिएका थिए । महानिरीक्षक खनालकाे निर्देशनमा व्युरोले लोहनीलाई पक्राउ गरेको हो ।
अस्वस्थ रहेको कारण लोहनीले पार्टीको केन्द्रीय सदस्यबाट यस अघि नै राजीनामा दिएका थिए । लाेहनीलाई गत असाेजमा चितवन प्रहरीले पक्राउ गरेर १३दिन पछि रिहा गरेको थियो ।