प्रदेश ३ को स्थायी राजधानी हेटौंडा घोषित भएको छ । आइतबार बिहान प्रदेश राजधानीको लागि प्रदेश सभामा भएको मतदानमा १०५ मतसहित बहुमतले हेटौंडा राजधानी घोषित भएको हो ।
प्रदेश सभामा १०८ सांसदले मतदान गरेका थिए । दुई तिहाईको लागि ७४ मत आवश्यक पर्नेमा हेटौंडाको पक्षमा १०५ मत खसेको थियो । तीन मत विपक्षमा खसेको थियो। एक सांसद अनुपस्थित थिए ।
यसको साथै प्रदेश ३ को नामाकरण सम्बन्धमा बागमतीको पक्ष र विपक्षमा केही बेरमा मतदान सुरु हुँदैछ । प्रदेश ३ मा सभामुखसहित ११० सांसद छन् ।