आफैले नागरिकतामा जन्म मिति सच्याएको आरोपमा अदालतबाट कैद फैसला तोकिएका आँधीखोला गाउँपालिका-६ का ३९ वर्षीय चोलाकान्त कामीलाई प्रहरीले पक्राउ गरेको छ । अदालतले फैसला गरेको ९ वर्षपछि उनी पक्राउ परेका हुन् ।
कैद सजाय भएपछि कामी फरार थिए । स्याङ्जाका डिएसपी नवीनकृष्ण भण्डारीले उनलाई घरबाटै पक्राउ गरिएको बताए । उनलाई जिल्ला अदालत स्याङ्जामा पेश गरी तोकिएको कैद भुक्तानका लागि कारागार चलान गरिएको भण्डारीले जानकारी दिए ।