गायक विश्व नेपालीको स्वरमा रहेको ‘मेरो सासै रोकिएला’  गीतको भिडियो रिलीज भएको छ । लेखक तथा पत्रकार राज सरगमको शब्द रहेको गीतमा संगीतकार दिपक शर्मा र विपिन आचार्यले कम्पोज गरेका छन् । काठमाडौं र ललितपुरमा छायांकन गरिएको गीतको भिडियो गीतकार राज सरगमले निर्देशन गरेको छन् ।

छायांकन नरेश चैसिर र सम्पादन सन्देश परियारले गरेको भिडियोमा कसिस दाहाल, सुरेश जिसि र भूपेशसिंह ठकुरीको अभियान रहेको छ । भिडियो ओएसआर डिजिटलबाट सार्वजनिक गरिएको छ ।