महोत्तरीमा पिकअप दुर्घटना भएको छ । दुर्घटनामा दुई जनाको मृत्यु भएको छ भने दर्जन भन्दा बढि घाइते भएका छन् । बुधबार बिहान गढिमाई मेला दर्शन गरी फर्किएको ना ५ च १२२७ नम्बरको पिकअप अनियन्त्रित बर्दिबास नगरपालिकाको वडा नम्बर ५ गढन्ता नजिकै दुर्घटना भएको प्रहरीले जनाएको छ ।
मृत्यु हुनेमा भारत चिताहि (जयनगर) बस्ने ७० वर्षिया बर्तनिया महतो र धनुषाधाम नगरपालिका वडा नं। २ वस्ने वर्ष ८० कि सकुन्तला देवी साह रहेको जिल्ला प्रहरी कार्यालय महोत्तरीका प्रमुख प्रहरी उपरिक्षक श्यामकृष्ण अधिकारीले बताए ।
धनुषाधाम न.पा.३ वस्ने २७ वर्षिया बविता कुमारी महतो,सोहि ठाउ बस्ने १८ वर्षिया निशा महतो र वर्ष २५ कि सोकिता कुमारी सिंह सहित ३ जनाको अवस्था गम्भिर भएकाले धरान रेफर गरिएको अधिकारीले बताए । त्यसतै वर्ष १२ कि बिमल कुमारी साह,वर्ष ३५ कि सुजि नारायण साह र वर्ष ५० का चन्देश्वर साहलाई जनकपुर अंचल अस्पताल रेफर गरिएको छ । थप घाईतेहरुको बर्दिवास स्थित शुभ स्वस्तिक अस्पतालमा उपचार भइरहेको छ । पिकअप चालकलाई प्रहरीले नियन्त्रणमा लिएको प्रहरी उपरिक्षक अधिकारीले बताए ।