जथाभावी हर्न बजाउने एक सय ८८ सवारी साधनलाई महानगरीय ट्राफिक प्रहरी महाशाखाले सोमबार कारवाही गरेको छ । १ बैशाख २०७४ देखि काठमाडौं उपत्यकालाई हर्न निषेध क्षेत्र घोषणा गरिएको थियो ।
महाशाखाले २०७४ वैशाख १ देखि हालसम्म उपत्यकामा जथाभावी हर्न बजाउने ४३ हजार ६ सय २३ सवारीसाधनलाई कारवाही गरिसकेको महाशाखाका प्रमुख प्रहरी वरिष्ठ उपरीक्षक भिम प्रसाद ढकालले जानकारी दिए ।
सवारी तथा यातायात व्यवस्था ऐन २०४९को दफा १६४ को (ग) अनुसार ध्वनी संकेत निषेध गरिएको ठाउँमा ध्वनी दिएको खण्डमा ट्राफिक प्रहरीले नियन्त्रणमा लिएर पाँच सय रुपैयाँ जरिवाना गर्न सक्ने व्यवस्था छ ।