- वि.सं २०८१ बैशाख ८ शनिबार
डोल्पाको ठुलीभेरी नगरपालिका ९ को काँडाताली गाउँ नजिकै जंगलमा आगलागी भएको छ । गाउँ नजिकै रहेको धुपीरुख जंगलमा लागेको आगो गाउँ छेउमै पुगेपछि मात्र स्थानीयले थाहा पाएका थिए ।
आगो सम्पुर्ण गाउँलेको सक्रियतामा निभाउन सफल भएको स्थानीय मेरबहादुर बुढाले बताए । थरगाँउ, दुरगाँउ र काँडाताली गाउँका स्थानीयले पानी र माटोको साहायताबाट दिउँसो २ बजेमात्र आगो निभाउन सफल भएका थिए ।
आगलागीबाट गाईबस्तुको लागि रुखमा राखेको घाँस जलेर नष्ट भएको छ ।
आगो कसले र किन लगायो थाहा नभएपनि बिहान जंगलमा घाँस काट्न गएका मानिसले लगाएको हुनसक्ने अनुमान गरिएको छ ।
आगलागीबाट कुनै मानवीय तथा पशुबस्तुको क्षति भएको छैन् ।
आगलागीबाट थरगाउँ र काँडातालीको घाँसपात, स्याउ र ओखरका बिरुवा जलेर नष्ट भएको छ ।
