तिनाउ गाउँपालिका–३, भूतखोला नजिकै जङ्गलमा मानव कंकालसँगै फेला परेको कपडा, झोला र मोबाइलबाट शवको पहिचान खुलेको छ ।
जिल्ला प्रहरी कार्यालय पाल्पाका प्रमुख एसपी दिपेन्द्र जिसीले मानव कंकाल तानसेन–१३, छेर्लुङ्काका १९ वर्षीय अभिषेक भट्टराईको भएको बताए ।
सनाखत भएपछि शव परिवारलाई बुझाइएको छ । बुटवलमा कुक तालिम लिँदै गरेका भट्टराई २६ असार २०७६ देखि बेपत्ता थिए । होटलमा तालिम लिन गएका भट्टराई घर नफर्केपछि परिवारले खोजतलास गर्दा पनि भेटिएका थिएनन् ।