प्रधानमन्त्री केपी शर्मा ओलीले मन्त्रिपरिषद पुनर्गठनकाे तयारी गरेका छन् । नेकपाकाे सचिवालय बैठकपछि संचारकर्मीसँग कुरा गर्दै प्रवक्ता नारायणकाजी श्रेष्ठले केहीबेरमा मन्त्रिपरिषद पुनर्गठन हुने पुष्टि गरे ।
‘प्रधानमन्त्रीले यसअघि नै संकेत गरे अनुसार मन्त्रिपरिषद पुनर्गठन हुन्छ,’ प्रवक्ता श्रेष्ठले भने, ‘नयाँ बन्ने मन्त्रीको संख्या र नामावली प्रधानमन्त्री आफैले घोषणा गर्नुहुन्छ ।’
बालुवाटार स्रोतका अनुसार प्रधानमन्त्री ओली र अर्का अध्यक्ष दाहालबीच नयाँ मन्त्रीहरुको सूची तयार बनाएर गोप्य राखिएको छ । प्रधानमन्त्री ओलीले बुधबार बिहानै अर्का अध्यक्ष दाहाललाई लिएर मन्त्रिपरिषद पुनर्गठनबारे राष्ट्रपति विद्या भण्डारीसँग समेत परामर्श गरेका थिए ।