नेपालको आर्थिक वृद्धिदर ७ प्रतिशतमाथि हुने, दक्षिण एसियामा आर्थिक वृद्धिदर घट्ने
विश्व बैंकले दक्षिण एसियाको आर्थिक वृद्धिदर २ दशमलव ५ प्रतिशतले घट्ने प्रक्षेपण गरेको छ । तर नेपालको आर्थिक वृद्धिदरमा कुनै असर नपार्ने बैंकले जनाएकाे छ ।
मंगलबार काठमाडौंमा सार्वजनिक गरेको प्रतिवेदन उल्लेख गर्दै बैंकले विश्वमा आर्थिक वृद्धिदर घट्ने भए पनि कुनै प्रभाव नपार्ने बताएकाे छ । विप्रेषणकाे मुख्य प्रभाव भएकाले नेपालको आर्थिक वृद्धिदर चालू हुने जनाएकाे छ । नेपालमा आर्थिक वर्षभित्र ७ दशमलव १ प्रतिशत आर्थिक वृद्धिदर पुग्ने बैंकको अध्ययन प्रतिवेदनले देखाएको अर्थविद् विश्व पौडेलले जानकारी दिए ।
विश्व बैंकले नेपालको आर्थिक वृद्धिदरलाई निरन्तरता दिन उद्योग स्थापनामा गर्ने र कर असुलीलगायतका अधिकार स्थानीय तहलाई दिन सुझाव दिएको छ । प्रतिवेदनले दक्षिण एसियामा उत्पादन घटेका कारण आर्थिक वृद्धिदर घट्न स्पष्ट पारेकाे छ ।