Read Time : < 1 मिनेट
२०७६ कार्तिक २८ बिहीबार १०:४७:००
हरेक वर्ष नोभेम्बर १४ मा विश्व मधुमेह दिवस मनाइन्छ । मधुमेह अहिले विश्वका धेरैजसो देशमा आमसमस्या बनिसकेको छ । मधुमेहका बिरामीले सामान्य जीवन व्यतीत गर्नका लागि स्वास्थ्यवद्र्धक खाना, नियमित शारीरिक व्यायाम, समय–समयमा रगत परीक्षण र इन्सुलिन लिन जरुरी छ ।
हरेक वर्ष नोभेम्बर १४ मा विश्व मधुमेह दिवस मनाइन्छ । मधुमेह अहिले विश्वका धेरैजसो देशमा आमसमस्या बनिसकेको छ । मधुमेहका बिरामीले सामान्य जीवन व्यतीत गर्नका लागि स्वास्थ्यवद्र्धक खाना, नियमित शारीरिक व्यायाम, समय–समयमा रगत परीक्षण र इन्सुलिन लिन जरुरी छ ।
- हाम्रो शरीरमा हुने विभिन्न रसायनिक प्रतिक्रियाका कारण रगतमा चिनीको मात्रा बढ्छ । फलस्वरूप स्वास्थ्यमा समस्या देखिन्छ, जसलाई चिनीरोग अर्थात् मधुमेह भनिन्छ । प्यांक्रियाजले पर्याप्त मात्रामा इन्सुलिन उत्पादन गर्न नसकेमा वा उत्पादन भएको इन्सुलिनप्रति शरीरका कोषले राम्रोसँग प्रतिक्रिया जनाउन नसकेमा यस्तो समस्या देखिन्छ ।
- मधुमेह भएमा अत्यधिक भोक र तिर्खा लाग्ने, तौल घट्ने, छिटो–छिटो पिसाब लाग्ने, थकान महसुस हुने, कमजोरी देखापर्ने हुन्छ । मधुमेहका बिरामीले सहज जीवनयापन गर्न खानपानमा विशेष ध्यान पु-याउनुपर्छ ।
- कार्बोहाइडेट र चिल्लो कम भएका खानेकुरा खानुपर्छ । मौसमी फलफूल र सागसब्जी खान सकिन्छ ।
- चिनी, ग्लुकोजलगायत चिनिजन्य पदार्थबाहेक आफूले दैनिक उपभोग गर्दै आएका खानेकुरा आवश्यक परिमाणमा खान सकिन्छ ।
- रगतमा हुने ग्लुकोजको मात्रामा हुने परिवर्तनले समस्या गर्छ । तसर्थ ग्लुकोजको मात्रा ठीक कायम राख्न खाना र खाजा समयमा खानुपर्छ ।
- माछा, मासु, दूधजन्य खानेकुरा, फाइबरयुक्त खानेकुरा खान सकिन्छ ।
- दूषित पानी पिउनबाट टाढा रहनुपर्छ । उमालेको वा फिल्टर गरेर मात्र पानी पिउनुपर्छ ।
- फास्टफुड, तारेका खानेकुरा, कोल्डड्रिंक्स, अधिक मसलायुक्त खानेकुरा खानुहुँदैन ।
