भारतले जारी गरेको नयाँ नक्सासँगै नेपालमा राजनीतिक दलहरू एक जुट भएका छन् । भारतले नेपाली भूमि मिचेको भन्दै देशभर विराेध भएपछि प्रधानमन्त्री केपी ओलीले शनिबार बोलाएको सर्वदलीय बैठक बाेलाएका थिए । जसमा प्रमुख प्रतिपक्षी दलका नेताहरूसहित दलका अध्यक्ष तथा नेताहरू सहभागी भएका छन् । प्रधानमन्त्री निवास बालुवाटारमा बसेको बैठकमा भारतसँग उत्पन्न भएको सीमा विवाद बारेमा छलफल हुनेछ ।
बैठकमा सत्तारूढ दलसहित प्रतिपक्षी दलका शीर्ष नेताहरू, सीमा विज्ञहरूलगायत सहभागी भएका छन् । बैठकले सीमा विवादबारे सामूहिक धारणा तय गरी राष्ट्रिय एजेण्डा निकाल्ने भएकाे छ । भारतको नयाँ नक्सामा नेपालको कालापानी, लिपुलेक र लिम्पियाधुरा मिचिएको देखाएको छ । सीमा मिचिएसँगै सत्तारुढ नेकपा र प्रमुख प्रतिपक्षी कांग्रेसका युवा संगठनहरूले संयुक्त आन्दोलन गर्दै आइरहेकाे छ ।