![](https://www.nayapatrikadaily.com/uploads/news/images/niranjan-mainali2019-11-07-11-52-28.jpeg)
विभिन्न सञ्चार माध्यममा प्रकाशित बाराका भूमाफियाले मालपोतका कर्मचारीको समेत मिलेमतोमा स्थानीय जग्गाधनीलाई समेत पत्तो नदिई धमाधम व्यक्तिको जग्गा नामसारी गरिरहेको समाचारले हामी कोल्हवी निवासीलाई आतंकित बनाएको छ ।
केही वर्षअगाडि नै कोल्हवी नगपालिकाभित्रको ६ बिघा जमिनमाथि भूमाफियाले मालपोतका कर्मचारीसितको मिलेमतोमा कब्जा जमाइसकेको सार्वजनिक भएकै हो । अहिले फेरि भूमाफियाले कोल्हवी २ ख, हनुमानगन्जमा रहेको १० बिघा जमिनमाथि कब्जा जमाउने दुष्प्रयास गरिरहेका छन् । उनीहरूले वास्तविक जग्गाधनीलाई थाहै नदिई किनबेचसमेत गरिरहेको सुन्दा हामी कोल्हवीवासी आतंकित भएका हौँ । हामी जनता न्यायको प्रतीक्षामा छौँ सरकार !
निरञ्जन मैनाली, कोल्हवी–२, निकास, बारा