२०७६ कार्तिक १७ आइतबार १०:०३:००
नयाँ पत्रिका

उदाउँदो सूर्यलाई अर्घ्य दिई छठपर्व सम्पन्न (फोटो फिचर)

छठपर्व अन्तर्गत व्रतालुहरूले आज उदाउँदो  सूर्यलाई अर्घ्य दिई यस पर्वको समापन गरेका छन् । मूलविधि चतुर्थीदेखि शुरू भई षष्ठीका दिन बेलुकी अस्ताउन लागेको र सप्तमीका दिन उदाउँदो सूर्यलाई अर्घ्य दिई पूजाअर्चना गरी यो पर्वको समापन गर्ने परम्परा रहेको छ ।

अर्घ्यमा ठकुवा, कसार, केरा, उखु, मेवा मिष्ठान, गेडागुडी र विभिन्न वनस्पति, भुसवा, माटोको हात्ती, सुप, कनसुपती, कलशसहितको घैँटो सूर्यलाई अर्पण गर्ने चलन छ । सूर्यलाई दिइने अर्घ्यमा ठकुवालाई समृद्धि, उखुलाई आरोग्य, केरालाई विष्णु र कृषि उत्पादनलाई प्रकृतिप्रति कृतज्ञताको द्योतक मानिन्छ ।

तस्बिर: सञ्जित परियार/नयाँ पत्रिका