१३औँ दक्षिण एसियाली खेलकुद प्रतियोगिता (साग)को उद्घाटन १५ मंसिरमा दशरथ रंगशालामा हुँदैछ । आगामी साग खेलकुदसम्म तयार पर्ने उद्देश्यले नेपालको एक मात्र अन्तर्राष्ट्रिय दशरथ रंगशाला धमाधम निर्माण भइरहेको छ । आगामी १५ देखि २४  मंसिरसम्म हुने सागलाई लक्ष्य गरेर रंगशाला तिव्र गतिमा निर्माण गरिँदै छ । 

यद्यपि, साग आउन एक महिना बाँकी रहँदा पनि अहिलेसम्म पश्चिमतिरको भिभिआइपी प्याराफिटको छानो राख्ने कार्य सुरु भएकै छैन । विविध कारणले १५ मंसिरसम्ममा भिभिआइपी प्याराफिट तयार नहुने सम्भावना बढ्दै गएको छ । भिभिआईपीमा राखिने छानो चीनको सेन्जानमै छ ।