सिफारिसमुख्य समाचारसमाचारदृष्टिकोणफ्रन्ट पेजअर्थमल्टिमिडियाअन्तर्वार्तानयाँCityखेलकुदविश्वकोरोना अपडेटप्रवासब्लगकर्नर किकसम्पादकीयस्वास्थ्य र जीवनशैलीराजनीति१३औँ वार्षिकोत्सव विशेषांकसाहित्यब्लाे अपशिक्षापर्यटनसेयर बजारफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगप्रविधि
  • वि.सं २०७७ असार २७ शनिबार
  • Saturday, 11 July, 2020
दीपेन्द्र अधिकारी
२०७५ पौष २६ बिहीबार ०६:२०:००
मुख्य समाचार

दुई करोड राजस्व हिनामिनापछि लेखा अधिकृत सम्पर्कविहीन

आन्तरिक लेखा परीक्षण कार्यालयले बेरुजु रकम दाखिला गर्न पत्र काटेपछि रकम हिनामिना बाहिरियो

दीपेन्द्र अधिकारी
२०७५ पौष २६ बिहीबार ०६:२०:००
?>

मालपोत कार्यालय भरतपुरका लेखा अधिकृत रिठ्ठे दर्जी एक महिनादेखि सम्पर्कविहीन छन् । मालपोत कार्यालयका प्रमुख लालकृष्ण शर्मा पौडेलका अनुसार आन्तरिक लेखा परीक्षणका क्रममा पौने २ करोड रुपैयाँ बेरुजु देखिएपछि भरतपुर १२ का दर्जी सम्पर्कविहीन भएका हुन् ।  मालपोत कार्यालयले संकलन गरेको एक करोड ७३ लाख रुपैयाँ लिएर दर्जी २५ मंसिरदेखि सम्पर्कविहीन भएको मालपोत कार्यालय भरतपुरले जनाएको छ । ६ मंसिरमा आन्तरिक लेखा परीक्षण कार्यालयले बेरुजु रकम दाखिलाको पत्र पठाएको थियो ।

 

पटक–पटक भन्दा पनि अटेर गर्दै आएका दर्जी सम्पर्कविहीन भएका हुन् । उनको खोजीका लागि प्रहरी प्रशासनलाई पनि जानकारी गराइएको शर्माले बताए । २६ मंसिरमा मालपोत कार्यालयले उक्त रकम असुल गरी विभागीय कारबाहीका लागि अख्तियारमा आवश्यक कागजात बुझाइसकेको उनले बताए । 

केही दिन बिदामा बसेर २४ मंसिरमा कार्यालयमा हाजिर भई उनले आफैँले रकम खर्च गरेको र तिर्न नसके कानुनअनुसार जस्तोसुकै कारबाही भोग्न तयार छु भनेर सनाखत गरेको प्रमुख शर्माले बताए । दर्जीसँग सम्पर्क नभएपछि घरमै खोज्न जाँदा भरतपुर १० मा रहेको सप्तगण्डकी डिपार्टमेन्ट स्टोर्समा मोबाइल र मोटरसाइकल छाडेर गएको पाइएको 
उनले बताए ।

सम्पत्ति रोक्का
घरमा पनि उनको सम्बन्ध राम्रो नरहेको बुझिएको छ । छोराले नै रिठ्ठेविरुद्ध अंश मुद्दा हालेका छन् । दर्जी र उनको परिवारका सदस्यका नाममा रहेको सम्पत्ति रोक्का गरिसकिएको कार्यालयले जनाएको छ । दर्जीको नाममा रहेको भरतपुर १० ‘ग’ को कित्ता नं ६२९ को १६ धुर जग्गा मालपोत ऐन २४ को दफा ७ बमोजिम रोक्का गरिएको उनले बताए । उनले साझेदारी गरेर सञ्चालन गरेको भरतपुर १० मा रहेको सप्तगण्डकी डिपार्टमेन्ट स्टोर्सको समेत सम्पूर्ण बैंक खाता रोक्का गरिएको बताए । दर्जीको सम्पत्तिबारे थप अनुसन्धान भइरहेको उनको भनाइ छ ।