सिफारिसमुख्य समाचारसमाचारदृष्टिकोणफ्रन्ट पेजअर्थमल्टिमिडियाअन्तर्वार्तानयाँCityखेलकुदविश्वकोरोना अपडेटप्रवासब्लगकर्नर किकसम्पादकीयस्वास्थ्य र जीवनशैलीराजनीति१३औँ वार्षिकोत्सव विशेषांकसाहित्यब्लाे अपशिक्षापर्यटनसेयर बजारफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगप्रविधि
  • वि.सं २०७७ असार २६ शुक्रबार
  • Friday, 10 July, 2020
तीर्थराज बस्नेत काठमाडाैं
२०७६ असोज १३ सोमबार ०६:१८:००
मुख्य समाचार

मेलम्ची खानेपानी आयोजना : एक वर्षभित्र काम सक्ने गरी सिनो हाइड्रोलाई ठेक्का

तीर्थराज बस्नेत काठमाडाैं
२०७६ असोज १३ सोमबार ०६:१८:००

मेलम्ची खानेपानी आयोजनाको सुरुङ फिनिसिङका लागि चिनियाँ कम्पनी सिनो हाइड्रोसँग आइतबार ठेक्का सम्झौता भएको छ । १२ महिनामा काम सक्ने गरी मेलम्ची विकास समिति र सिनो हाइड्रोबीच सम्झौतामा हस्ताक्षर भएको हो ।

सिनो हाइड्रोले सुरुङ फिनिसिङको ठेक्का ८५ करोड एक लाख ९४ हजार चार ५८ रुपैयाँमा लिएको आयोजना प्रमुख तिरेशप्रसाद खत्रीले जानकारी दिए । यससँगै १० महिनादेखि रोकिएको आयोजनाको काम सुरु हुने भएको छ । २९ मंसिरमा इटालियन कम्पनी सिएमसीले आयोजनाको काम छोडेपछि २४ माघमा सिएमसीसँगको ठेक्का तोड्ने निर्णय गरिएको थियो ।

सिनो हाइड्रोले आगामी २६ गतेबाट काम थाल्ने भएको छ । त्यसका लागि उसले ठेक्का सम्झौता हुनुभन्दा अघि नै फिल्ड भिजिटसमेत गरिसकेको छ । ‘कम्पनीले यसअघि नै फिल्ड भिजिट गरिसकेको छ,’ खत्रीले भने, ‘२६ गतेबाट काम सुरु हुन्छ ।’ 

हेडवक्र्सको ठेक्का सम्झौता केही दिनमा 
सिनो हाइड्रोले करिब ९० करोड रुपैयाँमा हेडवक्र्स निर्माणको ठेक्कासमेत पाइसकेको छ । तर, आइतबार हेडवक्र्स निर्माणको ठेक्का सम्झौता भएन । समितिका अनुसार केही दिनभित्रै यससम्बन्धी ठेक्का सम्झौता गर्ने तयारी छ । ‘हामी हेडवक्र्सको सम्झौता गर्न तयारी हालतमा छौँ । कम्पनीको तयारी नपुगेकाले सम्झौता नभएको हो,’ खत्रीले भने, ‘कम्पनीलाई हेडवक्र्सको सम्झौता चाँडै गर्न ताकेता गरेका छौँ । एक–दुई दिनभित्रै सम्झौता भइसक्छ ।’ 

काठमाडौंमा मेलम्चीको पानी झार्न सुरुङ फिनिसिङको काम सकिन आवश्यक रहेकाले पहिलो प्राथमिकता सुरुङलाई दिइएको समितिले जनाएको छ । पानी काठमाडौं ल्याइसकेपछि पनि हेडवक्र्स निर्माणको काम गर्न सकिने समितिको भनाइ छ । ‘सुरुङ फिनिसिङ हुनेबित्तिकै काठमाडौंमा पानी ल्याउन सकिन्छ । हाम्रो पहिलो प्राथमिकता सुरुङकै काममा छ,’ खत्रीले भने, ‘हेडवक्र्सको काम सुरुङ फिनिसिङको कामसँगै अघि बढाउने योजना छ । पानी काठमाडौं ल्याइसके पनि पनि हेडवक्र्सको काम गर्न सकिन्छ ।’

काम चाँडो सके बोनस, ढिला गरे फाइन 
समितिसँगको सम्झौताअनुसार साढे ६ महिनामै सुरुङ फिनिसिङको काम सके सिनो हाइड्रोले दैनिक ठेक्का रकमको ०. १५ प्रतिशत अर्थात् १२ लाख ७५ हजार बोनस पाउनेछ । तर, ठेक्का सम्झौताको अवधि १२ महिनासम्म पनि काम नसके सिनो हाइड्रोले फाइन तिर्नुपर्ने खत्रीले जानकारी दिए ।

‘सम्झौता अवधिभन्दा अघि काम सके दैनिक ०.१५ प्रतिशत बोनस पाउने र ढिला भए दैनिक त्यति नै दरमा फाइन तिर्नुपर्ने सम्झौता भएको छ,’ खत्रीले भने । सरकारले चालू आर्थिक वर्षभित्र मेलम्चीको पानी काठमाडौं ल्याउने घोषणा नीति तथा कार्यक्रममार्फत गरिसकेको छ । सोही कारण चाँडो काम सके बोनस दिने र ढिलो गरे फाइन तिर्नेगरी सम्झौता भएको बताइएको छ । 

२४ करोडका आठ ठेक्का
सामान आपूर्तिका लागि करिब २४ करोडका आठ टेन्डरसमेत भइसकेका छन् । काम छोडेर हिँडेको सिएमसीले अर्डर गरेका सामान आइसकेको र त्यही सामान प्रयोग गर्ने गरी सम्झौता भएको समितिले जनाएको छ । समितिका अनुसार मेलम्चीकै लागि भनेर अर्डर गरिएका सामान भएकाले तिनै सामान प्रयोग गर्न लागिएको हो ।