मोरङको पथरीशनिश्चरे २ मा पिकअप भ्यान र बस आपसमा ठोक्किँदा १४ जना घाइते भएका छन् । पूर्व पश्चिम राजमार्ग अन्र्तगत मोरङको पथरी शनिश्चरे नगरपालिका २ स्थित जय चोकमा यात्रुवाहक बस र पिकप ठोक्किँदा १४ जना घाइते भएको प्रहरीले जनाएको छ । पश्चिमबाट पुर्वतर्फ गइरहेको को १ ख ४२७८ नम्बरको बस र बिपरीत दिशा तिर गइरहेको पिकअप भ्यान आपसमा ठोक्किँदा १३ जना घाइते भएका थिए भने को १६ प ६१४५ नम्बरको स्कुटर क्षति ग्रस्त भ्यान र बसमा ठोक्किँदा थप एक जना घाइते भएका इलाका प्रहरी कार्यालय पथरीका डिएसपी लक्ष्मी अधिकारीले बताए ।

घाइते मध्ये पिकअप भ्यानका चालक र सहचालक गम्भीर घाइते भएका छन् । भ्यानका चालक केवल कुमाल तथा सहचालक मनिस दर्जीको अवस्था गम्बिर रहेको डिएसपी अधिकारीले बताए । 

गम्भीर घाइते भएका दुई जनाको हरुको उपचार लाइफ लाइन हस्पिटल दमक र विराटनर्सिङ होम विराटनगरमा भइरहेको छ । स्कुटर चालक करण धिमाल भने उपचारपछि घर फर्कीएको प्रहरीले जनाएको छ । अन्य घाइतेहरुको स्थानीय मेडिकलमा उपचार भइरहेको छ ।