एनआइसी एसिया बैंकका ग्राहकले सेलवेज क्यास एन्ड क्यारी प्रालिअन्तर्गतका सेल्सबेरी र सेलवेज डिपार्टमेन्ट स्टोरमा सामान खरिद गर्दा छुट पाउने भएका छन् । बैंकको मोबाइल बैंक एप प्रयोग गरी क्युआर कोडमार्फत सामान खरिद गर्दा १५ प्रतिशत वा अधिकतम ५ सय रुपैयाँसम्म छुट पाउने भएका छन् ।
अफर सेल्सबेरी डिपार्टमेन्टल स्टोरको सबै आउटलेटमा र सेलवेज डिपार्टमेन्टल स्टोरको पोखरा आउटलेटमा लागू हुने बताइएको छ । बैंकका सहायक प्रमुख कार्यकारी अधिकृत सन्तोषकुमार राठी र सेलवेज क्यास एन्ड क्यारीका प्रमुख वित्त अधिकृत सन्दीप प्रधानांगले हस्ताक्षर गरेका हुन् ।
योजना असोज पहिलो हप्तादेखि छठ पर्वसम्म लागू हुनेछ । हाल बैंकले ३ सय १ शाखा कार्यालय, ३ सय ५९ एटिएम, ७० एक्सटेन्सन काउन्टर एवं ४१ शाखारहित बैंकिङ एकाइमार्फत बैंकिङ सेवा प्रदान गर्दै आएको छ ।