प्रमुख प्रतिपक्ष कांग्रेस सभापति शेरबहादुर देउवाले यथास्थितिमा नागरिकता विधेयक पारित हुन नदिन पार्टीका सांसदहरुलाई निर्देशन दिएका छन् । 

देउवाले संघीय संसदको राज्य व्यवस्था तथा सुशासन समितिको बैठकमा विचाराधिन नागरिकतासम्बन्धि विधेयक सरकारले बहुमतको आडमा पारित गर्न खोजेको उल्लेख गर्दै सो विधेयकलाई पारित हुन नदिन पार्टीका सांसदहरुलाई निर्देशन दिएका हुन् ।

सिंहदरबारमा बुधबार पार्टी संसदीय दलको बैठक बोलाई सो विधेयक पार्टीको अडान अनुसार संशोधन नगरी पारित हुन नदिन सांसदहरुलाई देउवाले निर्देशन दिएका हुन् । राज्य व्यवस्था तथा सुशासन समितिमा विचाराधिन नागरिकतासम्बन्धि विधेयकमा कांग्रेस सांसदहरुले फरक मत राखि अघि बढन दिएका छैनन । सो विधेयकमा नेपाली पुरुषसँग विवाह गरेका विदेशी महिला र नेपाली महिलासँग विवाह गरेर नेपाल बस्न चाहेका विदेशी पुरुषलाई पनि तत्काल वैवाहिक अंगीकृत नागरिकता दिनुपर्ने कांग्रेसको अडान छ । देउवाले पार्टी अडानअनुसार अघि बढ्न पार्टीका सांसदहरुलाई सचेत गराए । 

बैठकमा देउवाले भूमिसम्बन्धि विधेयक पनि संसदबाट सरकारले जबर्जस्ती पारित गरेको भन्दै आपत्ती जनाएका थिए ।