नेत्र विक्रम चन्द (विप्लव) नेतृत्वको नेकपा माओवादीका तत्कालीन इलाम जिल्ला सेक्रेटरी दीपेन राईले पार्टी परित्याग गरेका छन् । उनले पार्टी परित्याग गरी सत्तारुढ नेकपामा प्रवेश गरेको घोषणा गरेका छन् । 

विज्ञप्ति जारी गर्दै राईले विप्लव नेतृत्वको पार्टी परित्याग गरेको र नेकपामा प्रवेश गरेको घोषणा गरेका हुन् । उनलाई गत चैत २० गते झापाको विर्तामोडबाट प्रहरीले पक्राउ गरेको थियो । उनी अहिले इलाम स्थित कारागारमा छन् । जिल्ला अदालत इलामले उनलाई एक लाख ५५ हजार रुपैयाँ धरौटी माग छ । धरौटी बुझाउने प्रक्रियामा रहेको उनका बाबु हेमप्रसाद राईले जानकारी दिए ।

राईले इलाम कारागारबाटै विज्ञप्ति जारी गरी विप्लव नेतृत्वको नेकपा माओवादीले लिएको नीतिप्रति असहमति जनाउँदै साधारण सदस्यसमेत नरहने गरी पार्टीबाट अलगत भएको घोषणा गरेका हुन् ।