अमेरिकाको चैम्प्लेन नदीमा डेबी गेडेस नाम गरेकी एक महिला पतिसँग माछा मार्न गएकी थिइन् । माछा मार्ने क्रममा कस्तो हुने हो उनलाई थाहा थिएन । तर, माछा मार्ने क्रम जारी राखिन् । यसै क्रममा उनले एउटा माछा समाइन् । जब उनले माछा हेरिन तब उनी दंग परिन् । समाचारमा जनाइएअनुसार उनले दुई मुख भएको माछा समातेकी थिइन् ।
माछा समातेपछि डेबीले भनेकी छन्, ‘जब यो माछा किनारमा ल्याएँ, तब मलाई विश्वास नै लागेन, के देखिरहेछु भनेर ।’ मैले दुई मुख भएको माछा समातेकी रहेछु । यो माछा साह्रै अभ्दुत थियो । उनीहरुले यस माछासँग फोटा खिचेर पुनः सोही नदीमा छोडिदिएका छन् । एजेन्सी