- वि.सं २०८१ बैशाख ७ शुक्रबार
बलिउडकी चर्चित अभिनेत्री रानी मुखर्जी ठूलो पर्दामा नदेखिएको एक वर्षभन्दा धेरै भयो । तर, यसै वर्ष १३ डिसेम्बरमा उनी अभिनीत ‘मर्दानी २’ रिलिज हुँदै छ । यशराज फिल्मस्ले इन्स्टाग्राममा फिल्मको फस्टलुक सार्वजनिक गर्दै रिलिज डेट घोषणा गरेकोे हो ।
फिल्मको सुटिङ सकिइसकेको छ । यसमा रानीले पुलिस अफिसर शिवानी शिवाजी रायको भूमिका निर्वाह गर्दै छिन् । सन् २०१४ मा प्रदर्शनमा आएको मर्दानीको सिक्वेल हो, मर्दानी–२ । यस फिल्मलाई गोपी पुथरनले निर्देशन गर्दै छन् ।
फिल्ममा अपराधी गिरोह समाउने र लुकाउनेहरूको योजनालाई देखाइएको छ । पछिल्लोपटक रानी सन् २०१८ मा हिच्कीमा देखिएकी थिइन् । मार्चमा रिलिज भएको हिच्कीले बक्स अफिसमा राम्रो कलेक्सन गरेको थियो भने रानीको अभिनयको प्रशंसा देश–विदेशमा भयो ।
