- वि.सं २०८१ बैशाख १२ बुधबार
एनआइसी एसिया बैंक र उपाय सर्भिसेस लिमिटेडबीच सहकार्यात्मक सहमति भएको छ । सहमतिसँगै बैंकका सेवाग्राहीले उपायले प्रदान गर्ने व्यावसायिक परामर्श सेवा छुट पाउने भएका छन् ।
सम्झौताअनुसार उपायले प्रदान गर्ने सेवामा बैंकका ग्राहकले डिजिटल च्यानल प्रणालीमार्फत भुक्तानी गर्दा २० प्रतिशत छुट पाउनेछन् । बैंकका प्रमुख कार्यकारी अधिकृत रोशनकुमार न्यौपाने र उपाय सर्भिसेसका अध्यक्ष सुमन रायमाझीले सहकार्यसम्बन्धी सहमतिपत्रमा हस्ताक्षर गरेका हुन् ।
उपाय सर्भिसेज कानुन, वित्त व्यवस्थापन र प्रविधिको क्षेत्रका अनुभवी व्यक्तिद्वारा प्रवद्र्घित तथा सञ्चालित एक डिजिटल प्लेटफर्म हो । कम्पनीका सेवाग्राहीले नयाँ कम्पनी दर्ता, वार्षिक विवरण दाखिला, लेखासँग सम्बन्धित सेवा, करसँग सम्बन्धित कागजात तयारलगायत सुविधा पाउनेछन् ।
