ललितपुरस्थित नख्खु कारागारमा कैदीबीच कुटाकुट हुँदा एक कैदीको मृत्यु भएको छ। शुक्रबार दिउँसो साढे १ बजे भएको झगडामा कर्तव्य ज्यान मुद्दामा सजाय काटिरहेका बर्दियाका पूर्णबहादुर राजीको मृत्यु भएको हो ।
कर्तव्य ज्यान मुद्दामै जेल सजाय भोगिरहेका सर्लाहीका ५० वर्षीय पवनकुमार महतोले ढुंगा प्रहार गर्दा राजीको मृत्यु भएको ललितपुर प्रहरीले जनाएको छ ।
ब्लक प्रहारबाट गम्भीर घाइते भएका राजीलाई उपचारको लागि ट्रमा सेन्टर लगिएकाे थियाे । साढे २ बजे उनकाे उपचारकाे क्रममा मृत्यु भएको महानगरीय प्रहरी परिसर ललितपुरका प्रवत्ता डीएसपी नारायण प्रसाद चिमाेरियाले बताए ।