डोल्पामा चर्को करप्रति यातायात व्यवसायीकाे विरोध 

डोल्पाको ठुलीभेरी नगरपालिकाले यातायातका साधनहरुमा लगाएको चर्काे करको यातायात व्यवसायीले विरोध गरेका छन् । जुफाल–दुनै, दुनै–सूपानि सडक खण्डमा चलिरहेका जिपले प्रति ट्रिप दई सय रुपैयाँ स्थानीय सरकारलार्इ कर तिर्नु पर्ने भएपछि यातायात व्यवसायीहरुले विरोध जनाएका हुन् । एक दिनमा एउटा जिपले तीन पटकसम्म आवतजावत गर्दा ६ सय रुपैयाँ नगरपालिकालाइ कर तिर्दा व्यवसायीहरु मरमा परेका हुन् । 

व्यवसायीहरुले वार्षिक तीन लाख ६४ हजार रुपैयाँ कर स्थानीय सरकारलाई बुझाउँदै आएका छन्भ भने वार्षीक ४३ हजार रुपैयाँ केन्द्र सरकारलाइ कर तिर्दै आएकाे जिप व्यावसायी सुरेन्द्र कठायतले जानकारी दिए । स्थानीय सरकारको निर्णय अनुसार ट्रयाक्टरको प्रति ट्रिप तीन सय रूपैयाँ र जिपको दुई सय रुपैयाँ कर लिने गरिएकाे नगरपालिकाको वडा नं ३ का अध्यक्ष अर्णबहादुर न्यौपानेले जानकारी दिए ।