२०७६ असार २७ शुक्रबार ०८:५६:००
नयाँ पत्रिका

टेलर सबैभन्दा बढी कमाउने गायिका

चर्चित गायिका टेलर स्विफ्ट ‘फोब्र्स सेलेब्रिटी १००’ को सूचीमा गत वर्ष १८ दशमलव पाँच करोड डलर कमाइ गर्दै पहिलो स्थानमा रहन सफल भएकी छिन् । दोस्रो स्थानमा  रियालिटी टिभी स्टार काइली जेनर रहेकी छिन् । काइली गत वर्ष पहिलो स्थानमा रहेकी थिइन् । 

केही समयअघि टेलर स्विफ्ट आफ्नो छैटौँ एल्बमको प्रतिलिपि अधिकारलाई लिएर चर्चामा आएकी थिइन् । टेलरले गत ३० जुनमा सामाजिक सञ्जालमा एक पोस्ट लेखेर यसबारे जानकारी दिएकी थिइन् । उनले भनेकी थिइन् कि छैटौँ एल्बमको ‘मास्टर्स राइट्स’ बिग मेसिन ग्रुपले म्युजिक म्यानेजर स्कुटर ब्रौनको इथाका होल्डिंस एलएलसीलाई बेचिदिएको थियो ।

यही सम्झौताप्रति उनले असन्तुष्टि जनाएकी थिइन् । टेलरले करिअरको सुरुवात ‘बिग मेसिन लेबल’बाट गर्दा उनी मात्र १५ वर्षकी थिइन् ।