विश्वकप क्रिकेट २०१९ को उपाधी दाबेदार मानिएको भारतीय क्रिकेट टोली बुधबार न्युजिल्याण्डसँग १८ रनले पराजित भयो । यससँगै भारतीय टोलीको यो विश्वकप यात्रा समाप्त भएको छ । 

कमजोर लक्ष्य पछ्याउँदा पनि हारेकोमा भारतीय टोलीको चौतर्फी आलोचना भइरहेको छ । तर यस्तोमा भारतीय कांग्रेसका निवर्तमान अध्यक्ष राहुल गान्धीले भने सहानुभूतिसहित भारतीय क्रिकेट टोलीप्रति सम्मान व्यक्त गरेका छन् । 

‘आज राति पक्कै पनि लाखौको मन दुखेको छ । तर टिम इन्डिया, जबरजस्त प्रतिस्पर्धाका लागि माया र सम्मानको हकदार छ,’ राहुलले बुधबार राति ट्विट गर्दै सहानुभूति प्रकट गरेका छन् । ट्विटमा उनले न्युजिल्याण्डलाई जितका लागि बधाई पनि दिएका छन् ।