नेपाली मौलिकपन झल्कने लोकगीत ‘लाग्यो असार’ बजारमा आएको छ । लोप हुन लागेको असारे भाका र संस्कृतिलाई जर्गेना गर्ने उद्देश्यले लोक गीत ल्याउने प्रयास गरेको बताइएको छ । डिएआर मुभिजले भिडियो बजारमा ल्याएको हो ।
गीतमा नौजना लोक गायक, गायिको स्वर समेटिएको छ । पुरुषतर्फ लोक गायक नवराज घोरासाईने, उद्धव कार्की, प्रभावन जे, शरण हुँमागाईं, विवेक चौलागाईं, जीवन बडूको स्वर छ भने महिलातर्फ लोक गायिका पार्वती कार्की, सपना कुँवर र मिङमा लामाको आवाज छ । गीतको शब्द तथा संगीत संयोजन प्रभावन जेले गरेका हुन् ।