सिफारिसमुख्य समाचारसमाचारदृष्टिकोणफ्रन्ट पेजअर्थमल्टिमिडियाअन्तर्वार्तानयाँCityखेलकुदविश्वकोरोना अपडेटप्रवासब्लगकर्नर किकसम्पादकीयस्वास्थ्य र जीवनशैलीराजनीति१३औँ वार्षिकोत्सव विशेषांकसाहित्यब्लाे अपशिक्षापर्यटनसेयर बजारफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगप्रविधि
  • वि.सं २०७७ असार २८ आइतबार
  • Sunday, 12 July, 2020
२०७६ जेठ ३० बिहीबार ०८:२४:००
अर्थ

रिद्धिसिद्धि सिमेन्टको उत्पादन सुरु

२०७६ जेठ ३० बिहीबार ०८:२४:००

हेटौँडा उपमहानगरपालिका–१५ रातोमाटेमा स्वदेशी निजी क्षेत्रका लगानीकर्ताले स्थापना गरेको रिद्धिसिद्धि सिमेन्ट उद्योगले उत्पादन सुरु गरेको छ । १० अर्ब ५० लाख लागतमा स्थापना गरिएको उद्योगले प्रथम चरणमा दैनिक २० हजार बोरा सिमेन्ट उत्पादन गर्न थालेको छ । उद्योगले आगामी केही महिनाभित्रै कुल क्षमताअनुसार दैनिक ६० हजार बोरा सिमेन्ट उत्पादन गर्ने दाबी गरेको छ । 

उद्योगलाई आवश्यक पर्ने कच्चापदार्थ (चुनढुंगा) मकवानपुरको कैलाश गाउ“पालिकाको राक्सिराङ, भीमफेदी गाउँपालिकाको निबुवाटार, चितवनको शक्तिखोर र उदयपुरको खानीबाट दैनिक १० हजार टन चुनढुंगा संकलन गर्दै आएकोे उद्योगले जनाएको छ ।

उद्योगबाट उत्पादित सिमेन्ट हाल काठमाडौं, विराटनगर, झापा, जनकपुर, पोखरा र हेटौँडामा वितरण भइरहेको क्षेत्रीय बिक्री प्रबन्धक विक्रम खतिवडाले जानकारी दिए । उनले व्यवस्थापनले युरेपेली प्रविधि र रोबोर्ट प्रयोगबाट गुणस्तरीय उत्पादन गरिरहेको बताए । उद्योगको सेल्स एन्ड मार्केटिङका जनरल म्यानेजर मुकुन्द घिमिरे गुणस्तरमा कुनै कन्जुस्याइँ नगरेको दाबी गरे । उनले अरू कुनै उद्योगसँग प्रतिस्पर्धाभन्दा पनि आफ्नो उद्योग राम्रो बनाउने उद्देश्य लिएको बतए ।