पाँचथरको मिक्लाजुङ गाउँपालिका-३ मा नौ जनाको सामुहिक हत्या गरी आत्महत्या गरेको आशंका गरिएकाे मनबहादुर माखिमको शव सुनसरी धरानस्थित घोपा क्याम्प अस्पतालमा लगिएको छ । उनको शव झुण्डिएको अवस्थामा भेटिएको थियो ।

झुण्डिएको स्थानदेखि केही टाढा खुकुरी र रगत लागेको कपडा फेला परेसँगै नौ जनाको हत्या गर्ने माखिम नै भएकाे प्रहरीले अनुमान गरेको छ । नाै वटा शवलाई मंगलबार साँझ मात्रै उठाउने डिएसपी नरेन्द्र कुँवरले जानकारी दिए । उनले भने, 'यो राष्ट्रिय स्तरको घटना भएको हुँदा शव उठाउन ढिला भयो ।'

मंगलबार साँझसम्म घटना स्थलमा सिआइबी, प्रदेश तथा जिल्ला प्रहरीबाट खटिएका अनुसन्धान टोली पुगेका छन् । उनीहरूले सबै शव धरान अस्पतालमा लैजाने जनाएको छ ।