दुई दिनदेखि सेती नदीमा बेपत्ता भएका बालकको शव फेला परेको छ । जयपृथ्वी नगरपालिका ६ का लोेकेन्द्र बुढाका ६ वर्षीय छोरा अशोक बुढाको शव छबिस पाथिभेरा गाउँपालिकाको भाँडेबगरमा शुक्रबार फेला परेको हो ।
उनी सुनिपिपल चौर माध्यामिक सुबेडामा १ कक्षामा अध्ययनरत थिए । मंगलबार लुयाँटाको गोठाली खेल (सुवेडा-लुयाँटा जोड्ने पुल) सेती नदीको छेउमा हिँड्दै गर्दा चप्पल चिप्लेर नदीमा खसेर बेपत्ता भएका थिए ।