बहुविवाह गरेर फरार रहेका एक जोडीलाई अछाम प्रहरीले पक्राउ गरेको छ । पञ्चदेवल विनायक नगरपालिका, ६ का नवीन रावल र कमलबजार नगरपालिका, ४ चाल्साकी रम्बा थापालाई बहुविवाहको आरोपमा प्रहरीले पक्राउ गरेको हो ।
रावलकी श्रीमती मेनुका बटाला (रावल) ले दिएको उजुरीका आधारमा दुबैलाई पक्राउ गरिएको आछामका डिएसपी जनकबहादुर शाहीले बताए । दोस्रो विवाह गरि ९ वैशाख देखि फरार उनीहरुलाई सुर्खेतको विरेन्द्रनगरस्थित एक होटलबाट पक्राउ गरिएको शाहीले जानकारी दिए ।