इन्डियन प्रिमियर लिग(आइपिएल)को जारी खेलमा किंग्स ११ पन्जाबले दिल्ली क्यापिटल्स्लाई १६४ रनको चुनौती दिएको छ । दिल्लीको घरेलु मैदानमा टस हारेर ब्याटिङ गरेकाे पन्जाबले क्रिश गेलको आक्रमक ब्याटिङको मद्दतमा १६३ रन बनायो । पन्जाबले निर्धारित २० ओभरमा ७ विकेट गुमाएर उक्त योगफल तयार पारेको हो ।
गेलले ३७ बलमा ५ छक्का र ६ चौका प्रहार गर्दै ६९ रन जोडे । यस्तै मन्दीप सिंहले ३०, हरप्रित ब्रारले अविजित २०, रविचन्द्रन आश्विनले १६ र लोकेश राहुलले १२ रन बनाए ।
दिल्लीका लागि नेपाली लेगस्पिनर सन्दीप लामिछानेले क्रिश गेल, लोकेश राहुल र साम कुरानको विकेट लिए । उनले चार ओभरमा ४० रन खर्चिएर ३ विकेट लिएका हुन् । कासिगो रबादा र अक्सर पटेलले २–२ विकेट लिए ।