'ओइ झुमा'को सफलतापछि गायक प्रमोद खरेलले 'झुमा झुमा' दर्शकबीच ल्याएका छन् । आफ्नै युट्युब च्यानलमार्फत शुक्रबार दिउँसो ४ बजे गायक खरेलले झुमा झुमा गीत सार्वजनिक गरेका हुन् ।
चर्चित मोडल पल शाह र गायक खरेलसँग जुम्ल्याह दिदीबहिनी प्रिन्सी र प्रिज्मा खतिवडाले अभिनय गरेका छन् । टिकटकमा निकै रुचाइएका प्रिन्सी र प्रिज्माको यो दोस्रो म्युजिक भिडियो हो ।
झुमा झुमामा हिमांशु रायमाझीको शब्दमा भीम बिसीले संगीत भरेका छन् । भिडियोमा शुभम भुजेलले कोरियोग्राफ गरेका छन् भने दिपक आचार्यले निर्देशन गरेका छन् ।
गायक खरेलको ओइ झुमा, चल बतास चल, लाइदेऊ न मायाले, यो कुरा गोप्य, मुस्किल छ पोखरामा लगायत थुप्रै गीतले दर्शकको मन जितेको छ ।