भारतको लोकसभा निर्वाचनमा बिहीबार मतदान गरेका उत्तर प्रदेशका एक मतदाताले आफ्नो औंला काटेका छन् ।
उत्तर प्रदेशका पवन कुमारले बिहीबार भएको मतदानमा बहुजन समाजवादी पार्टीलाई मत दिन चाहेका थिए । तर, झुक्किएर उनले भारतीय जनता पार्टीलाई मत दिए ।
यसपछि आफैंसँग रिसाएका उनले चुनाव चिन्ह दबाउने आफ्नो औंला नै काटिदिए । उत्तर प्रदेशसहित विभिन्न प्रदेशमा बिहिबार दोस्रो चरणको मतदान भएको थियो ।