- वि.सं २०८१ बैशाख १२ बुधबार
उद्योग, वाणिज्य तथा आपूर्तिमन्त्री मातृकाप्रसाद यादवले उद्योगीहरुलाई श्रमको सम्मान गर्न आग्रह गरेका छन् । मजदुरको श्रमबाट मालिक बनेका उद्योगीहरुले उनीहरुको पारिश्रमिक वृद्धि गरेमात्रै उत्पादनमा वृद्धि हुन्छ भन्ने यथार्थलाई भुल्न नहुने उनले स्पष्ट पारे ।
नेपाल पश्मिना उद्योग संघको १८ औं वार्षिक साधारण सभाको शुक्रबार ललितपुरमा उद्घाटन गर्दै उनले उद्योगको उत्पादन बढाउन श्रमको सम्मान र श्रमिकलाई माया गर्नुको विकल्प नभएको बताए । पस्मिना व्यवसाय ओरालो लाग्दै गएपनि समस्या समाधानका लागि उद्योगहरुले सरकारसँग परामर्श समेत गर्न नचाहेको उनको गुनासो थियो ।
विश्व बजारमा नेपाली पश्मिनाको पहिचान रहेको उल्लेख गर्दै त्यसको प्रवद्र्धनका लागि सरकार उद्योगीहरुसँग सहकार्य गरेर अघि बढन प्रतिवद्ध रहेको उनले बताए ।
मन्त्री यादवले निजी क्षेत्रले उद्योगको प्रवर्द्धनका लागि सरकारसँग सहकार्य गरेर अघि बढनुपर्ने आवश्यक्ता औंल्याए ।
