- वि.सं २०८१ बैशाख ४ मंगलबार
‘याद तिम्रो धेरै आइरह्यो’ बोलको गीतको भिडियो सार्वजनिक गरिएको छ । रंग पत्रकार शान्तिप्रियले लेखेको गीतको भिडियो नयाँ वर्षको अवसर पारी दर्शकमाझ ल्याइएको हो । गीतकार शान्तिप्रियको अधर एल्बममा समाविष्ट सो गीत युवराज चौलागाईंले गाएका हुन् भने अर्जुन पोखरेलको संगीत छ । अधरमा समाविष्ट चारवटा गीतको भिडियो यसअघि नै दर्शकमाझ ल्याइसकिएको छ ।
‘याद तिम्रो आइरह्यो’को भिडियो निर्मल शर्मा गैँडाले निर्देशन गरेका हुन् । राजु केसीले खिचेको भिडियोमा श्रीदेव भट्टराई र अनामिका चौलागाईं र राम ढकालले अभिनय गरेका छन् । भिडियो छायाछवि क्रिएसनले निर्माण गरेको हो ।
