‘बल टेम्परिङ’का कारण एक वर्षको प्रतिबन्ध पुरा गरेपछि अष्ट्रेलियन क्रिकेटर स्टिभ स्मिथ र डेविट वार्नर पहिलो पटक राष्ट्रिय टिममा परेका छन् ।
सन् २०१९को विश्वकप क्रिकेट खेल्ने टोलीमा उनीहरुको नाम समावेश भएको हो ।
गत वर्ष दक्षिण अफ्रिकामा भएको टेष्ट क्रिकेटमा ‘बल टेम्परिङ’ गरेपछि उनीहरुमाथि एक वर्षको प्रतिबन्ध लागेको थियो ।
विश्वकप टोलीमा स्मिथ र वार्नरसँगै उस्मान खवजा, शन मार्स, ग्लेन म्याक्सवेल, मार्कस स्टोनिस, एलेक्स केरी, प्याट कमिन्स, माइकल स्टार्क, झे रिचर्डसन, नाथन नील, जेसन बेहेन्ड्रफ, नाथन लिओन र आदम जाम्पा छन् । टोलीको कप्तानी आरोन फिन्चले गर्ने छन् ।
एजेन्सी