हुन्डाई कन्स्ट्रक्सन इक्विपमेन्टले धनगढी–१३ मोहनपुर, गेटा, कैलालीमा नयाँ शाखा सञ्चानलमा ल्याएको छ । धनगढी शाखामा कम्पनीको ‘थ्री एस’ सेवाअन्तर्गत सेल्स, सर्भिस र स्पेयर पार्टपुर्जासम्बन्धी सम्पूर्ण सेवा प्राप्त गर्ने कम्पनीले जनाएको छ ।
शाखा विस्तारसँगै हुन्डाईका एक्स्काभेटर, चट्टान तथा अरू हेभी पदार्थ फुटाउने ‘जिसुङ र रामर’ ब्रान्डका हाइड्रोलिक रक ब्रेकरहरू, ‘एमबी बकेट क्रसर’ पनि खरिद गर्न सकिनेछ । यससँगै निर्माण व्यवसायी तथा इक्विपमेन्ट अपरेटरहरूले भरपर्दो हेभी इक्विपमेन्ट किन्न टाढा जानुनपर्ने कम्पनीको भनाइ छ । साथै, हेभी इक्विपमेन्टको मर्मत तथा पार्टपुर्जा पनि धनगढी शाखाबाटै सहज रूपमा प्राप्त गर्न सकिनेछ ।
हुन्डाई कन्स्ट्रक्सन इक्विपमेन्ट नेपालको हेभी निर्माण उपकरण बजारमा महत्वपूर्ण हिस्सा ओगटेको कम्पनी हो । हुन्डाई कन्स्ट्रक्सन इक्विपमेन्टका उपकरण लामो समयदेखि निर्माण, युटिलिटी, उत्खनन एवं खानी उद्योगहरूका लागि प्रमुख इक्विपेमन्टका रूपमा रहँदै आएको कम्पनीको भनाइ छ ।