रौतहट जिल्लाको चन्द्रपुर नगरपालिकाको दुईवटा सुन पसलमा चोरी भएको छ । चन्द्रनिगाहपुरको मुख्य चोकमा रहेको गढीमाई सुनचाँदी पसल र बजारमा रहेको प्रज्वल सुनचाँदी पसलमा चोरी भएको हो ।
गएराति चोरहरूले दुवै सुन पसलको सटर फोरेर पसलमा रहेको सुन र चाँदीका गहना चोरेर लगेका हुन् । दुवै पसलबाट कति परिमाणमा सुन–चाँदी चोरी भयो भन्ने विषयमा अनुसन्धान भइरहेको इलाका प्रहरी कार्यालय चन्द्रनिगाहपुरका डिएसपी सन्तुप्रसाद जयसवारले जानकारी दिए ।
दुवै पसलबाट करिब १२ लाखबराबरको सुन र चाँदीका गहना चोरी भएको अनुमान गरिएको छ ।