गोरखा १ बाट प्रतिनिधिसभा सदस्यमा निर्वाचित राजेन्द्र बजगाईंले सांसदबापत पाउने तलबभत्ता आफ्नो क्षेत्रका विपतमा परेका नागरिकका लागि खर्च गर्ने घोषणा गरेका छन् । 

बिहीबार प्रतिनिधिसभा सदस्यको शपथ लिएपछि उनले यस्तो घोषणा गरेका हुन् । ०७२ को भूकम्पले ठूलो क्षति पु¥याएको गोरखामा पछिल्लो समय गत असारमा बाढीपहिरोले पनि सास्ती दिएको थियो । 

‘गोरखाको विकट भूगोल र भिरपखेरामा विपत्तिमा रेखदेख पुगोस् भन्ने अभिप्रायको निरन्तरता आज एक सांसदको रूपमा शपथ लिँदै गर्दा मत मागिरहेको वेला लिएको शपथ सम्झेको छु । मैले सांसदको रूपमा पाउने तलबभत्ता गोरखा १ मा विपत्मा परेकाहरूका लागि खर्चिने घोषणा गरेको छु,’ बजगाईंले भने ।