गत वर्षभन्दा यस वर्ष हुम्लामा मानव अधिकार उल्लंघनका घटना दोब्बरले बढेको छ। मानव अधिकार वर्ष पुस्तक २०२३ को प्रकाशनपूर्व वार्षिक समीक्षा प्रतिवेदनमा जिल्लामा मानव अधिकार उल्लंघनका घटना बढेको उल्लेख छ।
०७८ पुस १७ गतेदेखि ०७९ मंसिरसम्म संकलन गरिएको प्रतिवेदन रिपोर्टमा मानव अधिकार उल्लंघनका ३२ घटना रहेका इन्सेक हुम्लाका प्रतिनिधि नन्द सिंहले जानकारी दिए। गत वर्ष मानव अधिकार उल्लंघनका १२ घटना भएका थिए। बलात्कार, बलात्कार प्रयास र यौन दुर्व्यवहारका नौ घटना रहेको सिंहको भनाइ छ।